На фотографијата е Parque Nacional Motanhas, друго парче земја во Бразил сега соголено поради копање руда, а оваа судбина го чека и амазонскиот резерват „Ренца“.
Бразилскиот претседател Мишел Темер го укина амазонскиот резерват „Ренца“ со големина на Данска, а оваа одлука беше дочекана со неверување од страна на академската јавност која сега стравува дека претседателот им отвори пат на големите рударски копмпании и други индустрии и прашање на време е нивниот продор и почетоците на уништувањето на ова ретко природно богатство.
„Ова е најголемиот напад на Амазон во последниве 50 години“, вака опозицискиот сенатор Рандолф Родригез од партијата „Мрежа за одржлливост“ го опиша овој акт на претседателот Темер кон резерватот Ренца кој што опфаќа 46.000 квадратни километри.
Повеќе од 20 домашни и интернационални компании покажаа интерес да бидат присутн иво резерватот за којшто се верува дека содржи големи количини на злато, бакар, танталиум и друго. Владата вели дека морала да го укине резерватот за да привлече странски инвестиции и да ја заживее економијата.
Екологистите стравуваат дека резерватот ќе биде соголен од сечи, многу ендемски видови ќе исчезнат, но и култури и традиции на многу изолирани племиња кои живеат таму. Причини за овие стравови се претходните искуства кога многупати е видено како меѓународните моќни корпорации грабаат земја насекаде и уништуваат природа и домови на луѓе безмилосно и надвор од законите, а под заштитата која им ја носат корупциските врски со властите.