Published: Tuesday, January 3, 2023 10:14
На барање на белгиското правосудство, Европскиот парламент денеска ја започна процедурата за одземање на имунитетот на двајца пратеници кои се под истрага за наводна корупција поврзана со работите на ЕУ и Катар.
По барање на белгиските правосудни органи, покренав итна постапка за одземање на имунитетот на двајца пратеници во Европскиот парламент. Нема да има неказнивост. Нема такво нешто“, објави претседателката на Европскиот парламент, Роберта Мецола на нејзиниот Твитер профил, пренесува Танјуг.
Прес-службата на Европскиот парламент не ги објави имињата на двајцата европратеници за кои ќе се одлучува, но според Асошиејтед прес (АП), кој се повикува на два анонимни извори запознаени со случајот, станува збор за Италијанецот Андреа Коцолино и Белгиецот Марк Тарабела.