Украина ќе добие пари од земјите од Европската Унија за финансирање на своите воени напори дури и ако Унгарија и Словачка продолжат да го блокираат ветениот заем од 90 милијарди евра, изјавија денес два дипломатски извори од ЕУ.
Доколку Унгарија и Словачка одбијат да го одобрат заемот за Украина на самитот во Брисел следната недела, балтичките и нордиските земји имаат план да ѝ дадат на Украина доволно пари за да ги покрие своите потреби во текот на првата половина од оваа година, изјавија за Политико двајца дипломати од ЕУ запознаени со разговорите.
Лидерите на ЕУ ќе се состанат на самит во Брисел следната недела во обид да ги убедат унгарскиот премиер Виктор Орбан и неговиот словачки колега Роберт Фицо да го одобрат заемот, за кој се очекува да обезбеди две третини од парите кои на Украина и се потребни за да продолжи да се бори против руската инвазија до крајот на 2027 година.