Британскиот историчар Еван Маудсли, кој е специјализиран за руската историја и Втората светска војна, за Би-Би-Си изјави дека последен пат руски крстосувач бил потопен пред 81 година, и тоа од страна на Германија во близина на Крим за време на Втората светска војна.
Тој додаде дека Русија изгубила други видови воени бродови за време на Втората светска војна, но „Чернова -Украина“ е последниот руски крстосувач што бил потопен и тоа во 1941 година.
Професорот Маудсли додаде дека крстосувачот „Москва“, иако беше стар речиси 40 години, е еден од најголемите бродови во руската морнарица и дека од 1980-тите не се изградени нови бродови со голема површина.
– Претпоставувајќи дека „Москва“ всушност била погоден и уништен од релативно мала ракета Нептун, настанот сугерира дека бродот имал лоша ракетна одбрана и слаба контрола на штетата, рече тој.