Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Бројот на популистички лидери најнизок во последниве 20 години – од 8 милијарди жители во Светот, само 1.7 милијарди живеат под популистички режим

0
By Ана Василевска on January 7, 2023 НАСЛОВНА, ПОЛИТИКА, СВЕТ
Карикатура од 1896 година го прикажува Вилијам Џенингс Брајан во улога на популизмот прикажан како змија што ја голта демократското магаренце што ја претставува Демократската партија (Извор: US "Judge" magazine, 1896 / Wikimedia Commons)
Карикатура од 1896 година го прикажува Вилијам Џенингс Брајан во улога на популизмот прикажан како змија што ја голта демократското магаренце што ја претставува Демократската партија (Извор: US "Judge" magazine, 1896 / Wikimedia Commons)
СПОДЕЛИ
Facebook Twitter LinkedIn Email
Published: Saturday, January 7, 2023 19:05
  • 1,7 милијарди луѓе живеат под популистички лидер на почетокот на 2023 година, во споредба со 2,5 милијарди во 2020 година.
  • Популизмот е дефиниран со две тврдења: 1. „Вистинските луѓе“ се во конфликт со „аутсајдерите“ и 2. Ништо нема да ја ограничи волјата на „вистинскиот народ“.
  • Три категории популизам: Културен, социоекономски и анти-естаблишмент 

Бројот на популистички лидери ширум светот падна на најниско ниво во последниве 20 години, по серијата победи на прогресивците и центристите во текот на изминатата година – ова го покажува анализата на Институтот Тони Блер според која бројот на луѓе кои живеат под популистички режим е намален за 800 милиони за две години. Анализата ја објави угледниот лондонски Гардијан, во текст под наслов „Бројот на популистички лидери најнизок во последниве 20 години“.

Во истражувањето, кое го пренесе ЦивилМедиа, се прогнозира дека 2023 година би можела да биде исто така пресудна за популизмот, поради критичните избори во Турција и Полска. Изборите во овие земји би можеле да доведат до пад на две од највлијателните популистички влади во светот, иако тоа би значело поделените опозициски партии во двете земји да формираат појасни коалициски програми во споредба со претходно.

Губитници: Болсонаро, Јанша, Дутерте, Раџапакса

Од популистите кои ја загубија власта – Бразилецот Жаир Болсонаро и Словенецот Јанез Јанша беа поразени на релативно тесни избори во 2022 година, додека Родриго Дутерте од Филипини беше ограничен на еден мандат и не можеше да се кандидира за реизбор. Во Шри Ланка, Готабаја Раџапакса беше протеран од функцијата преку демонстрации.

Жаир Болсонаро, Бразил (Wikimedia Commons)

Споредба: 1,7 милијарди луѓе живеат под популистички лидер на почетокот на 2023 година, во споредба со 2,5 милијарди во 2020 година

Во извештајот се вели и дека 1,7 милијарди луѓе живеат под популистички лидер на почетокот на 2023 година, во споредба со 2,5 милијарди во 2020 година. Се вели дека популизмот и од левата и од десната страна е дефиниран со две тврдења – дека „вистинските луѓе“ на една земја се затворени во морален конфликт со „аутсајдерите“ и, второ, дека ништо нема да ја ограничи волјата на „вистинскиот народ“.

Голем дел од падот на популизмот се должи на поразот на Болсонаро во Бразил, но и со изборот на генерација умерени левичари низ Латинска Америка кои „ја отфрлија популистичката реторика и се фокусираа на прогресивни економски и социјалните права наместо историскиот фокус од популистичката левица на индустриската национализација“, се вели во извештајот.

Популизмот во САД

Се забележува дека на среднорочните (конгресни) избори во САД, мнозинството кандидати поддржани од Доналд Трамп, кои се залагаа за десничарски национализам и теории на заговор, не беа избрани и потфрлија во однос на умерените.

„Откако поразија неколку умерени републиканци на прелиминарните избори во сојузните држава, кандидатите на Трамп подоцна ги загубија повеќето од изборните трки во ноември, што републиканците ги чинеше загуба од неколку гувернери и неможност да обезбедат контрола врз Сенатот. Најзабележително, тие ги загубија сите избори на државно ниво за позиции кои вклучуваат изборна администрација во сојузните држави“, се вели во извештајот.

Нападот на Капитол, 6 јануари 2021 (фото извор: Wikimedia Commons)

„Додека Конгресот ги блокираше напорите на Трамп да ги поништи изборите во 2020 година, американските гласачи ги блокираа напорите на неговите следбеници да ги администрираат следните избори во 2022 година“. Но, извештајот предупредува дека овој пораз на Трамповото отфрлање на демократијата не мора да сигнализира и долгорочен пораз на културниот популизам низ САД.

Три категории популизам: Културен, социоекономски и анти-естаблишмент 

Извештајот нашироко го дефинира популизмот во три категории: културен популизам, кој има десничарска етно-националистичка привлечност; социоекономски популизам, кој им се допаѓа на оние од левицата; и анти-естаблишмент популизам, кој се фокусира на таргетирање на елитите.

Се вели дека културниот популизам сè уште има големо влијание во американската политика, без оглед на поразот на кандидатите поддржани од Трамп и сомнежите за неговите шанси на изборите во 2024 година, посочувајќи на ставовите на Рон ДеСантис, кој најверојатно ќе биде уште еден клучен конкурент. „Дури и ако Трамп загуби, културниот популизам веројатно ќе остане силен во Републиканската партија“, се вели во извештајот.

Извештајот „Одбиј и обнови: надградба на правилата на игра против популизмот“  тврди дека преостанатите примери на популистички влади ширум светот (седум од 11) речиси целосно се состојат од десничарски културни популисти, наспроти економски или анти-естаблишмент популисти.

Популистичките влади се неспособни

Kултурно-популистичките влади се мачат да формираат ефективни влади, особено кога се соочуваат со економски предизвици или сложени прашања како што е Ковид, се тврди во извештајот, посочувајќи дека четири од нив паднале од власт во 2022 година – во Бразил, Филипини, Словенија и Шри Ланка.

Извештајот, сепак, силно предупредува на прераните тврдења за пораз на популизмот, посочувајќи дека во 2022 година популистите беа дел од коалициите кои победија на изборите во Италија, Израел и Шведска. Марин Ле Пен беше поразена од францускиот претседател Емануел Макрон, но нејзината партија добро помина на парламентарните избори.

Британски предизвици

Во Обединетото Кралство, конзервативната партија најверојатно ќе се соочи со предизвик од популистичката десничарска партија Реформа ОК, која вети дека ќе постави кандидати против сите партии, наместо да продолжи со договорот од 2019 година да не се спротивставува на конзервативците на Борис Џонсон.

Најџел Фараж (Wikimedia Commons)

Партијата на Ричард Тајс најверојатно нема да освои место на следните избори, таа има околу 8% од гласовите, а најголемиот дел од нив би дошле од незадоволните конзервативни гласачи. Тие би можеле да имаат поголем успех ако Најџел Фараж, кој ги предводеше Партијата за независност на ОК и партијата Брегзит до поголем успех, се инволвира повеќе.

Антипопулистички правила на игра

Институтот тврди дека антипопулистичките мејнстрим партии треба да препознаат дека кога се на власт им требаат антипопулистички правила на игра кои се различни од оние што ги користат владејачките мејнстрим популистички партии.

Се вели дека мејнстрим партиите треба да имаат своја јасна, суштинска политичка агенда и да не се фокусираат на негативна кампања против популистичките предизвикувачи, бидејќи популистите секогаш ќе тврдат дека нивните суштински прашања се недоволно обработени од мејнстрим политиката. Извештајот вели дека мејнстрим партиите мора да сфатат дека гласачите се повеќе се уморни од реторичкиот вишок што ги игнорира проблемите со кои се соочува една земја.

Авторот Брет Мајер вели дека дека извештајот покажува тренд кон прогресивен центризам во голем број земји. „Центристите продолжија да ги повлекуваат наназад границите на популизмот во 2022 година, при што бројот на популисти на власт се спушти на најниско ниво во последните 20 години“, вели тој.

„Ова во голема мера се должи на успехот на прогресивниот центризам над популизмот низ Америка, бидејќи прогресивните централно-левичарски лидери ги заменија старите популистички левичари. Популизмот, исто така, претрпе значаен удар на среднорочните (конгресни) избори во САД“.

Неизвесни избори во Полска и Турција

Но, судбината на популизмот оваа година може да се преврти на изборите во Полска и Турција, каде владата на Реџеп Таип Ердоган е во голема опасност.

„До крајот на 2022 година, Турција имаше најдлабоки негативни стапки во светот кога е во прашање инфлацијата, а лирата беше најлоша на пазарите во развој во однос на доларот“, се вели во извештајот.

Во него се предупредува и дека турскиот претседател е подготвен да ги зголеми конфликтите со Грција или со Курдите за да поттикне националистичка поддршка.


Извор: The Guardian | Опремувањето на текстот (илустрации, меѓунаслови) е редакциско.

Извор Цивил медиа

Гардијан лидери популизам
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.