Нашите бугарски соседи денес ќе го избираат нивниот нов претседател.
Изборите се тест за популарноста на премиерот Бојко Борисов.
Околу 6,8 милиони избирачи се повикани да го изберат новиот шеф на државата помеѓу 21 кандидат. Помеѓу нив фаворити се претседателката на Парламентот Цецка Цачева, 58 години, кандидат на ГЕРБ, конзервативната партија на власт и генералит Румен Радев, 53 години, екс командант на бугарската воздушна армија и кандидат на Социјалистичката партија. За него велат дека е наклонет кон Русија.
Премиерот Борисов вети дека ќе даде оставка ако неговата кандидатка не победи на изборите.
Според анкетите Цачева води во првиот круг со 26 до 28 отсто гласови а по неа следи Радев со 22 до 23 отсто гласови.
За Цачева бугарските медиуми тврдат дека не е популарна освен во редовите на својата партија.
Вториот круг се одржува следната недела на 13 ноември.
Во кампањата главна улога играа сиромаштијата, корупцијата, демографската криза и отселувањето на населението. Во Бугарија просечната плата изнесува околу 500 евра.
Цачева ветува стабилност на земјата и продолжување на евро-атлантскиот курс на државата.
Радев тврди дека ќе донесе промени и ќе ги намали растечките корупција и сиромаштија. И дека подобрувањето на односите со Русија не е некомпатибилно со евро-атлантскиот пат на земјата.
Претседателот има мандат од 5 години и неговата улога е пред се протколарна.
Се очекува излезност до 60 отсто. Во Бугарија влезе на сила закон кој ги обврзува граѓаните да гласаат но неизлегувањето на гласање е носи само симболична казна.
Првите резултати се очекуваат вечерва околу 20 часот.