Германскиот Бундестаг ја одобри Резолуцијата според која убивањето на Ерменците од страна на отоманските Турци за време на Првата светска војна, го прогласи за геноцид.
По ова, Турција го отповика својот амбасадор во Берлин. Ваквата одлуката се очекува да наиде на уште построга реакција од Турција, бидејќи претходно официјална Анкара предупреди дека може да се влошат односите меѓу двете земји доколку Резолуцијата биде усвоена.
Според Ерменците, над 1.5 милиони луѓе загинале во злосторствата во 1915 година, додека според Турција бројката е значително помала и не се работи воопшто за геноцид.
А дека се работи за геноцид тврдат повеќе од 20 земји, меѓу кои и Франција и Русија.
Оваа одлука е донесена во момент кога се постигна договор со Турција за бегалската криза.
Анкара прифати да ги врати назад бегалците, вклучувајќи ги и Сиријците кои пристигнуваат на грчките острови, со договор за укинување на визите за Турците во повеќе земји во Европа.
Турција ја негира оваа Резолуција, тврдејќи дека никогаш немало систематски шаблон за убивање на Ерменците христијани, туку и дека турски цивили загинале за време на уривањето на Отоманската империја.