Published: Sunday, November 3, 2019 14:03
Најмалку 140.000 домаќинства останаа без електрична енергија денеска поради силно невреме што погоди делови од Франција. Блокирани се и патишта поради откорнати и паднати дрвја. Бурата „Амелија“ донесе и поројни поплави на југоисток во државата.
Во прекин е и железничкиот сообраќај на повеќе правци. Ударите на ветрот достигнаа 160 километри на час. Бурата се движи кон копно и интензитетот слабее, соопшти националната метеоролошка служба.