Манчестер сити го врати „Комјунити шилд“ трофејот (англиски Суперкуп) во своите витрини. До петтото негово освојување, прво по 2012 година, „граѓаните“ стигнаа по победата над Челзи со 2:0. Двоен стрелец за актуелниот шампион во Премиерлигата беше Аргентинецот Серхио Агеро.
Сити беше далеку подобар ривал од Челзи попладнево на „Вембли“. Тимот од „Етихад“ притисна од самиот почеток на средбата, до погодокот упати 5 удари кон противничкиот гол и во 13. минута се радуваше на првенецот во, практично, новата сезона.
https://www.youtube.com/watch?v=eOVmevVxRMA
Аргентинскиот репрезентативен напаѓач реализира по асистенција на Фоден. Агеро, по додавање од Бернардо Силва, се впиша во листата на стрелци и во 58. минута, момент што беше решавачки за конечниот исход на средбата.
„Сините“ од „Стемфорд бриџ“ беа под ниво во дебито на Маурисио Сари на клупата. Никако не успеваа да ја пробијат одбраната на Сити меѓутоа пукнатина не најдоа и со оглед на изданието може да бидат задоволни што примија само два гола во најавниот настан за новото фудбалско првенство во Англија.
Ако за Сити е петти пехар во „Комјунити шилд“, натпревар што го добиваа и во 1937 година, во 1968 година, во 1972 година и во 2012 година, за Пеп Гвардиола е трет како менаџер на клубот по победите во Премиерлигата и во Лига Купот во мината сезона.