Добро прво полувреме и лошо второ одиграа ракометарите на Металург што на крајот ги чинеше убедлив пораз на гостувањето кај Монпелје во петтото коло во Лигата на шампиони. Францускиот состав славеше со 28:18 (13:12 и 15:6) и се проби на второто место во групата Ц со 6 бода, македонскиот вицепрвак падна на последното на табелата.
„Монпелје беше едноставно подобра екипа од нас. Одигравме одлично прво полувреме и во одбрана и во напад. Противникот беше поагресивен во дефанзива во вториот дел, а и ние одигравме лошо. Настапивме без неколку главни ракометари. Нивното отсуство се почувствува во играта“, истакна предводникот на Металург и македонската машка ракометна репрезентација, Лино Червар.
Брајовиќ беше најефикасен играч на средбата со 6 гола, Вид Кавтичник и Матке Гревиле постигнаа ппо пет за Монпелје. Реваншот меѓу Металург и Монпелје е закажан на 10 ноември во Скопје.
Лига на шампиони
Група Ц
Резултати, 5. коло
Монпелје – Металург 28:18
Елверум – Ла Риоха 27:32
Татран Прешов – Чеховски Медведи 30:28
Табела: Ла Риоха 7, Монпелје 6, Елверум 5, Чеховски Медведи 4, Татран Прешов 4, Металург 4.