Украинскиот премиер Денис Шмихал му честиташе на премиерот Димитар Ковачевски за почетокот на претседавањето со ОБСЕ на Северна Македонија и рече дека се надева на дополнителна поддршка за Украина, пренесува Укринформ.
„Северна Македонија го презема претседавањето со ОБСЕ за 2023 година. Честитки до премиерот Димитар Ковачевски! Сметаме на континуирана соработка со ОБСЕ, понатамошна координација и поддршка за Украина“, напиша Шмихал на Твитер.
North Macedonia 🇲🇰 takes over as @OSCE Chair for 2023. Congratulations to PM @DKovachevski! We count on continued cooperation with the OSCE, further coordination and support for Ukraine 🇺🇦.
— Denys Shmyhal (@Denys_Shmyhal) January 2, 2023
Од Укринформ потсетуваат дека Северна Македонија ќе претседава со Организацијата за безбедност и соработка во Европа (ОБСЕ) од 1 јануари 2023 година. Министерот за надворешни работи на Северна Македонија Бујар Османи стана нов претседавач со ОБСЕ. Во септември 2022 година, наведувајќи ги приоритетите на претседавањето со ОБСЕ на неговата земја, Бујар Османи посвети посебно внимание на војната на Русија против Украина, нагласуваат од Укринформ.