Четворица обвинители од Јавното обвинителство на Република Македонија денеска преку соопштение велат дека во случајот познат во јавноста за малиот Алмир сметаат дека „со преквалификација на кривичното делот Убиство предвидено во член 123 ст.2 т.3 од КЗ на РМ во кривично дело од областа на сообраќајот предвидено во член 300 ст.2 во вв со член 297 ст.1 од КЗ на РМ како тешки дела против безбедноста на луѓето и имотот во сообраќајот, е сторена повреда на основните начела за Законот за јавно обвинителство како што се начелото на законитост, непристрасност, објективност и заштита на слободите и правата на човекот и граѓаниниот кои воедно се и основни темелни вредности н Уставот на РМ“.
-Ние јавниот овинители од Јавното обвинителство на РМ уште од почетокот при реферирањето по овој случај во ЈОРМ имавме став и се уште остануваме на тој став дека обвинителниот акт КО бр.697/2016 од 19.12.2016 година на ОЈО Куманово кореспондира во целост со дејствијата на обвинетиот како што и бил првично обвинет за кривично дело Убиство. Ваквиот наш стручен став е образложен и на одржаните коелчгиуми во ЈОРМ во врска со овој настан, се вли во соопштението потпишано од јавните обвинители Ферат Елези, Башким Бесими, Џелал Бајрами и Исмаил Дардишта.
Обвинителката во Куманово на вчерашното судење направи преквалификација на делото за смртта на четиригодишниот Алмир кој беше прегазен во 2016 година пред Здравствениот дом.
Со тоа, обвинетиот Бобан Илиќ наместо за убиство на Алмир, ќе одговара за тешки дела против безбедноста на луѓето и имотот во сообраќајот, кривично дело за кое според Кривичниот законик е предвидена максимална казна до десет години и беше пуштен од притвор.
Прекфалификацијата на делото ја направи обвинителката на денешното рочиште во нејзините завршни зборови. Обвинителката рече дека обвинетиот Бобан Илиќ извршил кривично дело „сообраќајна несреќа“ со што ја загрозил безбедноста на пешаците, возејќи со брзина од скоро 40 километри на час, но Илиќ не го извршил делото со умисла
Лично новоизбраниот државен јавен обвинител Љубомир Јовевски, на седница на Собранието за пратенички прашања на 22 февруари рече дека случајот во Обвинителството ќе започне од почеток. Од Обвинителството оттогаш нема информација до каде е случајот, а на 2 март се одржа уште еден протест, на кој учесниците посочија дека во меѓувреме е дозволено возилото со кое е прегазен Алмир да биде продадено.