Даниеле Де Роси изрази задоволство од победата на Рома над Порто со 2:1 во првиот осминафинален натпревар во Лигата на шампиони. Капитенот на „волчицата“ жали за примениот гол во финишот, но, вели, дека ќе потпишел со две раце ако некој му понудел триумф со 2:1 пред мечот.
„Ќе бев пресреќен ако некој ми кажеше пред мечот дека ќе победиме со 2:1. Резултатот не е баш најдобар, ќе беше подобро да останеше 2:0, но ајде да речеме дека сме во блага предност пред реваншот како 51:49 за пласман во четврт-финале“, рече Де Роси.
Италијанскиот репрезентативец нагласува дека Порто не е истиот тим со кој играл во минатото и дека португалскиот состав во меѓувреме доста се променил.
„Го проучувавме Порто и знаевме дека ќе бараат физички напорен меч со помал фокус на додавањата одошто правеа порано. Доста се разликува од останатите португалски екипи, но знаевме со како стил ќе играат против нас. Иван Маркано не предупреди“, додаде Де Роси.
Двата гола за Рома на „Олимпико“ ги постигна Николо Заниоло (70’, 76’), за Порто погоди Адриен (79’). Реваншот е на 6 март на стадионот „Драгао“ во Порто.