Шарената револуција не признава фикус аболиција. Со ваков водечки транспарент илјадници демонстранти и денеска маршираа низ скопските улици. Фокусот на денешниот протест беше потсетување на човекот кој ја донесе аболицијата, дека барањето за нејзино укинување се уште опстојува. Боите на Шарената револуција која се одвива петта недела, завршија врз импровизиран споменик во форма на портрет на Иванов во близина на претседателската резиденција на Водно.
Демонстрантите во колона, нешто пред 19 часот од Специјалното јавно обвинителство, тргнаа кон вилата на Претседателот. Како што се движеше колоната така бројот на демонстрантуите се зголемуваше, а улиците каде што поминуваа стануваа „шарени“. Дел од граѓаните, со себе носеа транспаренти за слобода на Љубе Бошковски и слобода на демонстрантите.
На улицата „Мајка Тереза“ или поранешна „Водњанска“, демонстрантите со спрејови во разлуични бои испишаа „Слободата е шарена“, „Смрт на фашизмот“,а во близина на една автобуска постојка „Чекам слобода“. Колоната демонстранти беше поздравувана од граѓантие кои протестот го следеа на терасите од своите домови, додека колоната поминуваше покрај нивните згради.
Иако илајдници граѓани тргна кон претседателската резиденција, тие од полициски кордон во близина на објектот беа спречени да го продолжат патот. Таму, на разглас се пуштаа бомбите за апсењето на Бошковски, за разговорите во кои функционери од власта признаваат за прекумерното трошење и слично, што беше причиан за дополнителен револт кај присутните граѓани кои скандираа „Уа криминалци“ и „Оставка.
-На сред бел ден сакаат да покријат криминал, како што покриваат убиства, како што покриваа монтирани случаи, како што сакаа да покријат неправда. Ние иако го боиме овој, ние не го признаваме за претседател. Ова е наша куќа, ние немаме ништо негово, тој има нешто наше. Тој спие во арам, тој спие во нелегитимно. Тоа е криминалот кој се случај со нелигитмните избори. Никој да не помисли дека ќе ни падне нас кондиција, па нема да бараме поништување на аболиција, рече активистот Рамадан Рамадани.
-Сакам да се повикам на една негова изјава во која вели „Македонија има космодикс демократија, може да звучи шашаво, ама функционира“. Да, точно е, Македонија има шашава демократија, но таа не функционира и една од причините сте вие драг професоре, рече студентка на Правниот факултет.
Денешниот протест заврши мирно, а пред да замиант демонстрантите запалија и неколку фотографии на Иванов.
Граѓаните обединети под движењето #Протестирам бараат повлекување на одлуката за аболиција и оставка на претседателот Ѓорѓе Иванов, формирање на специјално одделение на Кривичниот суд за предметите на Специјалното јавно обвинителство, како и повлекување на одлуката за одржување на парламентарни избори на 5 јуни. Дел од барањата се и вклучување на граѓанското општество во решавање на кризата и формирање на преодна влада.