Пред точно 12 години режимот на ДПМНЕ насилно исфрли пратеници и новинари од Собранието. Со сила, инсталираниот режим на ДПМНЕ ја задуши демократијата во македонското Собрание само затоа што опозицијата се противеше на носењето на најрасипничкиот, криминал буџет во историјата на државата.
Драган Мишев
Денеска се навршуваат 12 години од „црниот понеделник“ кога пратениците на ВМРО ДПМНЕ од Собранието на Република Македонија насилно ги избркаа новинарите и пратениците од опозицијата која се спротвставуваше на владиниот предлог-буџет за 2013 година.
На тој „црн понеделник“ пред 12 години, прво собраниското обезбедување ги отстрани новинарите, некои и со употрба на сила, од галеријата каде што беа сместени, наводно поради „безбедносни причини“, за веднаш потоа во собраниската сала да влезат голем број лица од собраниското обезбедување, но и полицајци во цивилна облека, за насилно да ги исфрлат пратениците на опозицијата.
Од опозициската СДСМ излегоа во соопштение во кое велат дека 24 декември е потсетник дека никогаш да смее да се заборават режимските методи на ДПМНЕ, но и после 12 години актуелната власт на ДПМНЕ со своите режимски практики најавува враќање на тие режимски методи.
-24 декември 2012 година е еден од најцрните датуми во историјата на македонската демократија. Пред точно 12 години режимот на ДПМНЕ насилно исфрли пратеници и новинари од Собранието. Со сила, инсталираниот режим на ДПМНЕ ја задуши демократијата во македонското Собрание само затоа што опозицијата се противеше на носењето на најрасипничкиот, криминал буџет во историјата на државата. Новинарите беа исфрлени за да се сокрие вистината од народот, да не известуваат од тепањето пратеници. Тогаш, целата јавност ја виде суровоста на еден еден насилнички режим, а токму настаните од тој црн понеделник и неказнивоста на одговорните доведе до уште поцрн датум, до 27 април 2017 година кога режимот тргна да убива пратеници и вработени во Собранието, велат од СДСМ и додаваат:
„Прашањето е како се чуствуваат денеска исфрлените пратеници од Собранието кои се дел од ЗНАМ и во коалиција со истите тие што ги исфрлија? Дали политичкото лицемерие или лукративните причини за власт по секоја цена вредат толку за да се изневерат вредностите, сопартијците, слободата, демократијата?
Од СДСМ ја повикаа целата демократска јавност, сите прогресивни сили, заедно да се спротивстават на масовната партизацијата и ударот врз демократијата во земјата.“
Текстот е сопственост на ЦивилМедиа