По немилите настани од пред неколку дена, граѓаните на северно Косово во српските заедници, барем според почетокот на изборниот ден, масовно излегуваат на едно од 23-те избирачки места , кои се распоредени во 7 избирачки центри во Северна Митровица.

Сите избирачки места се отворени навреме во 07 часот, соопштуваат за порталот „Косово онлајн“ од општинската изборна комисија.

Граѓаните на Северна Митровица денеска со својот глас одлучуваат дали со градот и натаму ќе раководи актуелниот градоначалник Милан Радојевиќ кој се наоѓа на Српската листа ,или поддршката ќе му ја дадат на Ерден Атиќ , член на Самоопределување , кој на овие избори ја претставува заедничката листа на албанските партии со името ГЛ „Митровица“

Аналитичарите оценуваат дека Движењето „ Самоопределување“ на премиерот Албин Курти , тешко дека би го повторило резултатот добиен од парламентарните избори.

Бројот на граѓаните со право на глас изнесува 1.885.000 , кои гласаат за 166 кандидати за градоначалници и 5.198 кандидати за советници од 32 политички партии, 34 граѓански иницијативи, 23 независни и една коалиција., колку што се пријавија за локалната трка.