Шпанскиот премиер Маријано Рахој, најверојатно, ќе биде мора да ја напушти функцијата, откако клучната партија, Баскиската националистичка партија, соопшти дека ќе го поддржи барање за гласање недоверба.
Гласањето треба да се одржи денеска, а е поднесено од опозициската Социјалистичка партија.
На лидерот на социјалистите, Педро Санчез, му се потребни 176 гласови за да добие поддршка.
Баскиската националистичка партија (ПНВ) соопшти дека ќе го поддржи предлогот, кој потоа може да го донесе Санчез на премиерската функција.
Партијата има клучни пет места во парламентот, а својата одлука ја објави вчера.
Санчез уште вчера го повика Рахој да се поднесе оставка пред гласањето. Но, висок функционер од Народната партија на Рахој изјави дека тоа нема да се случи.
Санчез го поднесе предлогот за недоверба на Рахој откако неговата партија беше вмешана во огромен корупциски скандал минатата недела.
Според Санчез 63-годишниот Рахој не презел одговорност за вмешаноста на неговата партија во скандалот, која беше обелоденет откако еден од нејзините поранешни благајници беше осуден на 33-годишна затворска казна.
Високиот суд во Мадрид го осуди Луис Барсенас за примање мито, перење пари и даночни дела.
Случајот се однесува на финансирањето на кампањите на партијата од 1999 до 2005 година.
Кој е Педро Санчез?
Педро Санчез беше релативно непознат кога во 2014 година ја освои лидрската позиција во Социјалистичка партија. Тој е познат како поранешен кошаркар, но неговата харизма се смета за клучна за обединување на поделена партија и за враќање на социјалистите на власт.
Но, набрзо тој се соочи со два изборни порази, во 2015 и 2016 година. Тој беше принуден да поднесе оставка откако одби да го поддржи Маријано Рахој, што ја воведе земјата во политички ќор-сокак и доведе до внатрешни судири во неговата партија.
Неколку месеци подоцна, на изненадување на критичарите, тој се врати како победник на внатрепартиските избори.
Според Уставот на Шпанија, партијата која поднесува иницијатива за гласање недоверба мора да биде подготвена да ја преземе премиерската функција, доколку мнозинството го поддржи тоа.
Поради тоа, овој умерен и амбициозен 46-годишен политичар од Мадрид може да биде назначен за нов премиер на Шпанија, и покрај фактот што неговата партија контролира помалку од една четвртина од местата во Конгресот.