Спасувачките тимови во Турција спасија три лица, меѓу кои и едно дете, од урнатините на една станбена зграда, каде што поминаа 296 часа од минатонеделниот земјотрес, објави турската радио телевизија ТРТ. На видео снимките се гледаат спасувачки екипи кои носат маж и жена на носилки кон амбулантно возило, а покрај нив може да се забележат и болничари кои се грижат за детето.
Не се објавени дополнителни информации за преживеаните, а извештајот на државните медиуми за спасувањето во провинцијата Хатај не може да биде независно потврден. Возилата на итната помош биле подготвени за евентуални други спасувања од истата зграда, објави ТРТ.
At least two people have been pulled out alive from under the rubble 296 hours after #TurkiyeQuakes pic.twitter.com/xLerPjTN3e
— TRT World Now (@TRTWorldNow) February 18, 2023
Повеќе од 40.000 луѓе од Турција и од светот ги продолжуваат своите спасувачки операции низ југоисточниот дел од земјата, објави вчера Агенцијата за управување со катастрофи и вонредни состојби АФАД. Вкупниот број на загинати во Турција од земјотресот на 6 февруари достигна 39.672 лица. Неколку илјади луѓе загинаа и во соседна Сирија.
UPDATE: Three people including a child are rescued alive from the rubble of a building in Hatay province of southeastern Türkiye almost two weeks after #TurkiyeQuakes pic.twitter.com/gJ7wFbZIKz
— TRT World Now (@TRTWorldNow) February 18, 2023