Во рамки на фестивалот на европски филм „Синедејс“, денес на програмата се девет кратки филмови од млади македонски режисери, бугарскиот „Насоки“ и данскиот филм „Родители“, детските филмови „Рафи“ и „Авантурата на Нели“ и работилница со Клаудија Тоси. Вечерта завршува со легендите на англиската електронска сцена Evil Nine.
Во кино Милениум, од 20 часот ќе биде прикажан бугарскиот филм „Насоки“ на режисерот Стефан Командарев. Од 22 часот во кино Милениум ќе биде прикажан филмот „Всушност, никогаш не беше тука“ на Lynne Ramsay.
Во рамките на детската програма денеска во кино Фросина се филмовите „Рафи“ (11.00) – турбулентна авантура за осумгодишниот Семи и неговиот хрчак Рафи кои се неразделни, и „Авантурата на Нели од 13.00 часот.
Данскиот филм „Родители“, ќе се прикажува од 19 часот.
Од 21 часот на програмата се девет кратки филмови на македонски режисери меѓу кои и „Живот“ на Јане Спасиќ, „Последните камбани“ на Николче Поповски, „АМБИ“ на Марија Апчевска. Влезот е слободен.
Музичкиот документарец за животот и кариерата на Дени Филдс ќе биде прикажан во Џебно кино од 20 часот. Во рамките на придружната програма, во МКЦ во 13 часот ќе се одржи работилницата „Јас снимив филм..“ со Клаудија Тоси посветена на тоа како филмовите да се пробијат поширок пазар. Во 22:30 часот денот завршува со концерт на Evil Nine.