Членовите на ВМРО ДПМНЕ – Демократска Фракција бараат од властите во државава и судските авторитети да реагираат на одлуката на Врховниот суд во Атина кој ја одби екстрадицијата на пребегнатите Горан Грујевски и Никола Бошкоски.
„ Одбивањето на екстрадицијата на обвинетите поранешни високи функционери во МВР од страна на Врховниот суд на Грција и неговото толкување на поништената аболицијата (патем се работи за аболиција заснована на укинат член од Законот) е дрско мешање во внатрешните работи на правниот и политичкиот систем на Република Македонија. Дополнително не зачудува фактот што највисоките политичките власти на нашата држава во име на духот на доброседските односи со нашиот јужен сосед и зајакнатата доверба, досега јавно не протестираа на одлуката на грчкиот Врховен суд и не побараа меѓународна поддршка за испорачување на клучите играчи во процесот на досега незапаматеното кршењето на човековите права на граѓаните на Република Македонија“ пишува во соопштението од Демократската Фракција.
Се работи за обвинети личности кои учествувале во масовно прекршување на човековите права и функционери кои имале пристап до голем број државни тајни. Дополнително страшни и сè позагрижувачки се информациите и индициите дека Врховниот суд на Груција одлуката за неесктрадиција ја донел поради отстапениот голем број прислушувани разговори и други државни тајни од страна на обвинетите. Со овој чин загрозени се сигурноста и безбедноста на голем број македонски граѓани и на македонската држава, при што повеќе од 20.000 прислушувани граѓани на Република Македонија во иднина можат да бидат лесна цел на грчките безбедносни и разузнавачки служби.
Од Демократска фракција велат дека ОЈО е должно против нив, како и против нивните соучесници и помагатели во дејстијата да покрене нови кривични постапки. Неразбирливо е како досега сеуште на слобода се луѓето кои им помогнале да избегаат, почнувајќи од Врховните судиите кои им ја укинаа мерката притвор, оние кои биле логистика пред и за време на бегството како и нивните сегашни финансиски помагатели кои им се добро познати на јавноста и органите на прогонот.