Согласно просекот до денеска, која го направила ДИК во однос на избирачите за кои постои сомневање во однос на издадените лични карти, проверени се само 41 отсто, а вкупното барање за патни исправи проверени се само околу 12 проценти.
Утврдено е дека од вкупно 41.863 барања за проверување лични карти, МВР проверило 19.689. Од вкупно 68.695 барања за проверка на патни исправи проверени се 8.519.
Ова значи дека само проверката којашто ја врши МВР во однос на личните документи всушност не е ниту половина. ДИК на седницата којашто е во тек го објави Извештајот до прогресот на вкрстените проверки заради ажурирање на Избрирачкиот список.
Вкупно 1.129 лица за кое постоело основ дека е починати се бришат од Избирачкиот список.
За 3.372 лица државјани на РМ за кои постои сомневање дека се на привремена работа во странство не постои евиденција за што ДИик дополнително ќе бара податоци од МВР.
ДИК 47 спорни записи кои се запишани на повеќе од едно избирачко место и за нив ќе се врши дополнителна проверка.
За едно лице со име и презиме и датум на раѓање се јавуваат два различни матични броеви н ова лице допонително ќе се проверува.
ИТ секторот во ДИК допрва ќе прави анализа и за 2.178 лица за кои постои сомневање дека ги има на две избирачки места.
За останатите прашања ДИК се уште нема одговор, бидејќи теренската проверка се уште е во тек. Од ДИК посочија дека ова не е целосниот извештај бидејќи дополнително на седницата на ДИК ќе се усвојува Извештајот до досегашните теренски проверки.
Наводно, повеќе од 50 отсто од лицата кои биле предмет на теренска проверка не се најдени на адресите каде што се регистрирани.
Седницата на ДИК започна со еден час задоцнување и е во тек.
ДИК дополнително ќе анализира и 10. 000 лица по теренската проверка