Димитриевски е кандидат за втор мандат во Куманово

Премиерот Зоран Заев денеска во Куманово изјави дека актуелниот градоначалник Максим Димитриевски е кандидат за уште еден мандат, меѓутоа посочи дека конечна одлука се уште не е донесена.

– Со Максим сме другари и социјалдемократи и секогаш ги утврдуваме најдобрите. Максим е еден од главните кандидати, но имаме и други кандидати. СДСМ секогаш ќе го понуди најдоброто, како во Куманово така и во сите општини ширум државата – рече Заев.