Поранешниот министер за надворешни работи Никола Димитров ги демантира пишувањата во одредени медиуми дека влегол во бизнисот со градежништво и изградба на згради низ Скопје.
„Ова е апсолутна и груба лага и доколку не добијам извинување веднаш, ќе се видиме на суд. Jас сум секогаш достапен за јавноста и наместо да дозволат да бидат маша во рацете на валкани центри и да газат една благородна професија како новинарството, можат да се јават и да побараат изјава, дури и кога се работи за очигледни небулози и црна кампања, објави Димитров.
Како што вели тој, за нештата што му се важни, во животот и во политиката – нема попуштање, по ниедна цена.
„Кога се работи за корупција, пак – сте го нашле човекот – па вие најдобро знаете кој е овде единствен (или ајде меѓу ретките) политичар без ниту еден отворен судски процес или индиции за злоупотреби. На таа тема можете само да си направите беља“, стои во објавата на поранешниот министер.