Разлики има, но преговорите не се во ќорсокак, изјави денеска министерот за надворешни работи Никола Димитров по денешната средба со грчкиот министер за надворешни работи Никос Коѕијас во Солун.
-Знам дека очекувањата се големи, средбите се чести, почнавме речиси секоја недела да се среќаваме. Но исто така како што знаете и роковите се многу кратки, а влогот е голем. Истражувавме опции, за двете потешки прашања што останаата. Имавме многу корисна средба и вчера и денеска. Целта е да најдеме едно чесно, одржливо решение кое двете страни ќе го прифатат, главно, решение што ќе продуцира пријателство, а не фрустрации . Мислам дека само такво решение може да е одржливо и трајно, изјави Димитров.
На прашањето, дали по изјавата на Косијас, кој на прашањето, дали е направен пробив, одговори со: „Ако беше така, сега ќе славевме“, Димитров рече дека разлики се уште има, но дека не би го употребил зборот „ќорскокак“ за тоа до каде се сега преговорите.
-Ова што вчера и денеска го направивме е испитувавме комбинации што едната и другата страна би можела да го прифати и тоа е нашата задача. Треба за овие елементи да разговараме и дома и да видиме дали може поплодно да ја искористиме слдната средба. Прашањето е коплексно, а влогот е голем, рече Димитров.
Тој рече дека не е тајна дека преостанатите прашања се промената на Уставот и за опсегот на употребата на новото име, на што инистира Грција
Говорејќи за самата правна процедура во ОН што би следела доколку се постигне договор, Димитров рече дека, според она што го знаат од правниците во ООН е дека „ ако успееме да најдеме решение, најверојатно ќе биде доволно, изешташтај врз основа на извештајот на посредникот кој е личен претставник на Генералниот секретар на ОН, со кој тој ќе го информира Советот за безбедност дека двете страни сметаат дека успеале да ја надминат разликата и со тоа правно ќе се затвори прцесот во ОН“.
Димитров најави дека следната среба со Коѕијас ќе биде следната недела на 12 мај на меѓународна конференција што ќе се одржи во местото Сунио, во близина на Атина, по што ќе имаат средба и со медијаторот Метју Нимиц.
Средбата во Солун е на маргините на министерска средба во чиј фокус се можностите за зајакнување на меѓусебната соработка, на која освен Димитров и Коѕијас, учествуваат и министрите за надворешни работи на Бугарија Екатерина Захариева и на Албанија Дитмир Бушати.