САД размислуваат во следните неколку недели да преместат дел од своите војници од Западна Европа во Источна Европа, изјави дипломат од НАТО за британските медиуми, во услови на ескалација на тензиите меѓу Украина и Русија.
Ова се однесува на американската војска која веќе се наоѓа во Европа, изјави дипломатот, кој сакаше да остане анонимен, потврдувајќи го извештајот на весникот „Њујорк Тајмс“ во кој се вели дека американскиот претседател Џо Бајден размислува да испрати американски војници во балтичките и источноевропските сојузници.
НАТО денеска соопшти дека ги става своите сили во состојба на подготвеност и дека Источна Европа ја опремува со повеќе бродови и борбени авиони, што Русија го осуди како ескалација на тензиите околу Украина.
Дипломатот истакна дека потенцијалното преместување на војската ќе биде постепено и дека до пополнувањето на празнината на НАТО на источното крило може да се случи во наредните недели.