Еден од најбогатите луѓе во Русија се откажа од функцијата извршен директор на Лукоил, втората по големина нафтена компанија во земјата. Во кусото соопштение денеска, Лукоил рече дека Вагит Алекперов ја информирал компанијата „за неговата одлука да поднесе оставка“ како директор и претседател на компанијата.
Од компанијата не ја открија причината за оставката на Алекперов.
Објавата доаѓа само неколку дена откако тој беше санкциониран од Обединетото Кралство и седум недели откако Лукоил ги прекина односите со претседателот Владимир Путин и повика на прекин на руската војна во Украина.
Во соопштението до акционерите, персоналот и клиентите на 3 март, одборот на директори на Лукоил рече дека „повикува на што поскоро прекинување на вооружениот конфликт“.
„Го изразуваме нашето искрено сочувство за сите жртви, кои се погодени од оваа трагедија. Силно поддржуваме траен прекин на огнот и решавање на проблемите преку сериозни преговори и дипломатија“, додаде одборот.
Лукоил произведува повеќе од 2 отсто од светската сурова нафта и вработува над 100.000 луѓе.