Движењето за Национално Единство на Турците, како критична маса и совест на Турците во земјата, изразува длабока загриженост во врска со работата на ДИК.
– ДИК наместо да биде професионална и стручна институција, таа и понатаму строго партиски се однесува и со тоа директно создава услови за нерегуларни и некредибилни избори. На тој начин целосно ја урива достоинството и вербата во оваа институција. За 4 те партиски членови на ДИК можеби е нормално да бидат во служба на нивните партии но со таквото однесување тие целосно ја рушат својата стручност и компетентност, се вели во реакцијата на ДНЕТ.
Партијата фрла сомнеж и врз двајца од стручните работници во ДИК за кои сметаат дека ги изиграле очекувањата на огромното мнозоинство на граѓаните.
– При теренската проверка на Избирачкиот список по повратот на записниците од страна на подрачните единици на ДИК, ДИК утврди недостаток, поточно речено кражба на записници, прашалници за избирачите. Записникот се усвои а не беа констатирани кој ги изгубил (поединечно), поточно кој ги украл 481 записници од теренската проверка, се вели понатаму во реакцијата.
Партиајта бара одложување на изборите закажани за 5.јуни 2016 година на која како дел од опозицијата потврдуваат дека нема да учествуваат.