Четворица починати, 13 новозаболени лица и 53 излекувани е билансот за ковид-19 во земјата за последните 24 часа, истакнуваат од Министерството за здравство (МЗ). Два смртни случаја се регистриани на Клиниката за инфективни болести и фебрилни состојби во Скопје каде битката со коронавирусот ја загубија 58 годишна пациентка од тетовско Желино која била примена на 21 април со тешка форма на болеста и 81 годишна пациентка од Куманово, хоспитализирана на 15 април. Двете пациентки имале и висок крвен притисок.
Во ГОБ „8 Септември“ почина 47 годишен пациент од Куманово кој бил примен на болничко лекување на 3 април во тешка состојба и долго време бил приклучен на респираторна машина. Почина и 66 годишен пациент од Битола, кој во тешка општа состојба, со срцева слабост и цироза се лекуваше во Клиничката болница во градот.
Министерството за здравство соопштува дека Институтот за јавно здравје денеска регистрира 53 оздравени од ковид-19 и тоа во Скопје – 25, Куманово – 13, Прилеп – 5, Струга – 1, Битола – 4, Охрид – 1 и Кочани – 4.
Во изминатите 24 часа се направени вкупно 289 тестирања од кои се детектирани 13 нови случаи со ковид-19 и тоа во: Скопје – 4, Куманово – 5, Прилеп – 2 и Тетово – 2. Со ова вкупната бројка на дијагностицирани лица со коронавирус во земјата изнесува 1.399, а последната дистрибуција по градови е следна:
Скопје – 475
Куманово – 376
Дебар – 51
Штип – 34
Прилеп – 143
Тетово – 75
Струга – 64
Велес – 66
Битола – 19
Охрид – 15
Кавадарци – 5
Гостивар – 15
Гевгелија – 4
Струмица – 2
Крива Паланка – 5
Радовиш – 4
Крушево – 3
Кочани – 28
Пробиштип – 2
Кичево – 2
Неготино – 4
Демир Хисар – 1
Македонски Брод – 2
Пехчево – 1
Валандово – 1
Виница – 2
Направените 289 теста се преку Институтот за јавно здравје – 226, Ветеринарен факултет – 9, „Авицена“ – 12, „Систина“ со PCR метода – 38 и МАНУ – 4. Досега во земјата се направени вкупно 15.409 тестирања на ковид-19.
На Клиниката за инфективни болести и фебрилни состојби е примен еден пациент, а хоспитализирани се вкупно 61. Од нив, 18 имаат потешка клиничка слика и добиваат кислородна поддршка, а пет пациенти се поставени на механичка вентилација.
Во ГОБ „8 Септември“ се примени осум нови пациенти, а вкупно хоспитализирани 32. На респираторна машина се седум пациенти, а четири имаат потешка клиничка слика.
Во Клиничката болница во Битола се хоспитализирани седум лица, а се следат вкупно осум пациенти во домашно лекување, додека во Клиничката болницаа во Штип се лекуваат двајца пациенти, а се следат уште девет. На инфективните одделенија во болниците во Куманово, во Велес и во Прилеп се хоспитализирани вкупно 50 пациенти, потврдени и суспектни на ковид-19, стои во соопштението од Министерството за здравство.