Пет нови случаи на ковид-19 од 2.466 тестови се регистрирани во земјава во последните 24 часа во кои е заведен и еден смртен случај, како и осум оздравени пациенти. Бројот на активни случаи во моментот изнесува 251, информираат од Министерството за здравство (МЗ).
Според податоците на Институтот за јавно здравје (ИЈЗ), тројца на новозаболените пациенти со ковид-19 се од Скопје и по еден од Куманово и од Тетово. Од оздравените пациенти, по двајца се од Скопје и од Тетово и по еден од Кичево, од Гевгелија, од Валандово и од Демир Хисар, додека починатото лице е од Кичево на возраст од 39 години.
Направени се 2.466 тестови преку ИЈЗ – 129, преку ЦЈЗ Скопје – 51, преку ЦЈЗ Битола – 63, преку ЦЈЗ Прилеп – 25, преку ЦЈЗ Тетово – 14, преку ЦЈЗ Куманово – 36, преку Судска медицина – 3, преку ГОБ „8 септември“ – 11, преку Институт за микробиологија – 42, преку МАНУ – 39, преку Клиниката „Жан Митрев“ (Филип Втори) – 85, преку „Авицена“ – 153, преку „Биотек“ – 161, преку „Систина“ – 106, преку лабораторија „Лаор“ – 172, преку „Синлаб“ – 8, преку „Ремедика“ – 18, преку „Плодност“ – 35, преку „Генеа“ – 13, преку „Никоб лаб“ – 370, преку ВФВ Медикал – 14, преку ЈЗУ и ПЗУ (рапид тест) – вкупно 918. Досега во земјата се направени вкупно 861.692 тестирања на ковид-19.
Вкупната бројка на ковид-дијагностицирани лица во нашата земја од почетокот на епидемијата изнесува 155.645, бројката на оздравени пациенти е 149.916, на починати е 5.478, а бројот на активни случаи изнесува 251.
Според епидемиолошките анализи во моментот, дистрибуцијата по градови е следна: Скопје – 92, Куманово – 34, Тетово – 24, Прилеп – 22, Охрид и Кичево по 16, Гостивар – 7, Битола и Струмица по 6, Крива Паланка – 5, Велес и Виница по 4, Кратово – 3, Радовиш и Демир Хисар по 2 и Штип, Струга, Кочани, Гевгелија, Делчево, Дебар, Крушево и Македонски Брод по 1.
Без активни случаи се Кавадарци, Неготино, Свети Николе, Ресен, Берово, Пробиштип, Валандово, Богданци, Демир Капија, Пехчево, Македонска Каменица и Дојран.