Исланд го слави Денот на пивото што е издигнат на ниво на национален празник по укинување на повеќедецениската забрана за негово купување и консумирање во 1989 година.
Пивото на Исланд беше забрането дури 74 години додека другите алкохолни пијалаци можеа да се купат легално.
Забраната беше рецидив од прохибицијата од 1915 година во која народот, на референдум, се изјасни позитивно за забрана за алкохолни пијалаци.
„Злоупотребата на алкохолот на Исланд е голем проблем. Еден од десет мажи повозрасни од 15 години барем еднаш во животот бил на рехабилитација“, соопшти исландскиот Центар за лекување на зависности.
Поради тоа алкохолните пијалаци се оданочени со висока стапка, така што една лименка пиво чини девет долари, а шише водка „Смирноф“ – 67 долари.
На 2 март 1989 година е укината забраната за пивото, одлука што беше одбележано во сите четири барови во Рејкјавик, а 260.000 жители ја прославија „слободата“ со 340.000 лименки пиво.