Додик не се откажува – повторно ќе се бори за претседателската функција

Претседателот на Република Српска (РС), Милорад Додик, кој е и претседател на Алијансата на независни социјалдемократи, објави дека ќе биде кандидат на таа партија на изборите за прв човек на РС и следната година.

Тој додаде дека тоа е веќе одлучено и дека кандидатурата е потврдена.

-Злоупотребата на процесот на ниво на Босна и Херцеговина ќе заврши со тоа што во мај ќе го започнеме изборот на нова Републичка изборна комисија и ќе спроведеме избори на ниво на РС во согласност со нашиот изборен закон, рече Додик во интервју за белградска „Политика“.