Бројот на активни ковид случаи во земјава изнесува 5.620 пациенти, посочуваат од Министерството за здравство, согласно податовите на ИЈЗ, и апелираат до граѓаните да се вакцинираат, бидејќи, како што посочуваат, само така ќе се дојде до колективен имунитет и ќе се спречи ширење на мутации на коронавирусот. Делта сојот останува доминантен во земјата во која засега не е регистриран случај со омикрон мутацијата.
Во текот на вчерашниот ден беа регистрирани нови 433 случаи на ковид-19 од направени 3.028 тестирања, а починаа осум лица.
Досега во земјата се направени вкупно 1.496.479 милиони тестирања на ковид-19. Вкупната бројка на ковид-дијагностицирани лица во земја од почетокот на епидемијата изнесува 218.723, бројот, на оздравени пациенти е 205.303, на починати е 7.710. Вкупно има 5.620 активни случаи.
Светска здравствена организација (СЗО) во Северна Македонија вчера додели опрема за информатичка технологија на Министерството за здравство, како поддршка за дигитализација на процесот на имунизација и подобрување на техничката инфраструктура на сите вакцинални пунктови низ државата, како дел од тековните напори за борба против пандемијата на ковид-19. Набавката на опремата беше финансиски помогната од Германија.