Двократниот освојувач на БИБЛ лига, Сигал Приштина се обрати до челниците на АБА лига за прием во регионалното натпреварување од наредната натпреварувачка сезона, пишува www.koha.net.
Веста што ја објави порталот ја потврди и Ставиљеци Блеранд, претседател на косовскиот клуб. Како главни аргументи за прием во дописот се наведуваат „успесите во Балканската лига и во Европскиот куп на ФИБА“.
Барањето е проследено на адреса на Крешимир Новосел, директор на АБА лигата и нејзиниот претседател, Младен Вебер.
Сигал Приштина е наследник на кошаркарскиот клуб Приштина кој е формиран во 1970 година. Пред 13 години беше згаснат поради нараснати долгови. Мечевите како домаќин ги игра во „Палата на младоста и спортот“, двапати ја освојуваше БИБЛ лигата, 11 пати победуваше во косовската Суперлига, има 12 трофеи во Купот на Косово и еден во Суперкупот.