Демократски сојуз, ФРОДЕМ, ДЕМОС и МОРО – Работничка партија соопштија дека нема да учествуваат на парламентарните избори закажани за 5 јуни.
Во заедничкото соопштение овие партии истакнуваат дека не се создадени елементарни услови за одржување на фер, демократски, слободни и кредибилни избори поради тоа што Избирачкито список не е прочистен, не се спроведени реформи во медиумите,нема одвојување на партијата на власт (ВМРО-ДПМНЕ) од државата и дека аболицирани сé тие што ги кршеа изборните правила и ги фалсификуваа изборите.
– Даваме целосна поддршка на Специјалното Јавно Обвинителство, при што инсистираме обвинителството и понатаму да работи професионално, стручно, законито и транспарентно.Го повикуваме Ѓорге Иванов да ја повлече одлуката за аболиција и да си поднесе оставка, поради тоа што го урниса Уставниот поредок, направи своевиден државен удар и практично го сруши изборниот процес, с енаведува во соопштението.
Овие партии сметаат дека со еднопартиски парламент од 123 членови на ВМРО-ДПМНЕ, ќе биде катастрофа за Република Македонија, за нејзиниот демократски развој, перспективите и опстојувањето како држава.
– Затоа бараме, согласно Уставот на Република Македонија, да се свика вонредна седница на Собранието на Република Македонија, кое ќе ја суспендира одлуката за самораспуштање на Собранието и ќе ги одложи изборите. Ги повикуваме граѓаните на Македонија да ги бојкотираат изборите, велат од овие партии.