ДС: Не смее да има двојство во командата и раководењето во МВР

Демократскиот сојуз смета дека Владата не може да носи конкретни кадровски решенија во МВР и Министерството за труд и социјална политика а истите се спротивни на Уставот и законите и не можат да се имплементираат.

– Министрите имаат законски основ да ги блокираат и да покренат постапка за нивно поништување пред Уставниот суд. Министрите мораат да располагаат со сите кадровски потенцијали за да можат овие ресори да ги остваруваат Уставните надлежности. Во овие исклучително сложени безбедносни состојби, не смее да има двојство во раководењето и командата во МВР и секој што се обидува да го сруши системот за безбедност за тоа ќе понесе одговорност, порача ДС.

Партијата порачува дека безбедноста и стабилноста на државата мораат да бидат во преден план, а не личните и партиските интереси.