ДУИ изборната кампања за локалните избори ја заврши со митинг во Гостивар, каде го претстави кандидатот за градоначалник на оваа општина Невзат Бејта и Листата на советници предводена од Африм Аручи.
Лидерот на ДУИ, Али Ахмети, пред присутните рече дека Гостивар го заслужува подоброто. Тој побара поддршка за кандидатот на ДУИ за градоначалник на Гостивар, Невзат Бејта и листата на советници предводена од Африм Аручи.
– Дојдов денес пред вас да го повикам секој граѓанин на Гостивар, бидејќи нашата агенда е европска, а таа е иднината. Нашата платформа е здравје кое го одржува животот, затоа поддршката нека биде безрезервна. Ги повикувам сите дека нема да ги посрамиме….Сега имаме нова мисија, со мисионери и никогаш нема да се срамите и жалите за поддршката што ќе му ја дадете на Невзат Бејта, бидејќи знам дека тој е подготвен и ќе му даде на градот соодветниот сјај, реќе Ахмети.
Талат Џафери од ДУИ, рече дека во оваа изборна кампања ДУИ, од Липково до Струга пред гласачите има претставено квалитетна програма.
– Денес сме пред вас да ве повикаме, и заедно да оцениме што е направено, а што не е направено во овие 4 години. Кога сум сега на овие теми, станува збор за она што се памти во 2005-2009 година, за чистење на центарот што беше претворен во центар на злото. Мора да гласиме за број 3 задутре, денот на нашата победничка недела, рече Џафери.
Артан Груби од ДУИ за време на својот говор пред жителите на Гостивар рече дека Гостивар не е град што треба да го води некомпетентен човек без волја да продолжи понатаму. Сите барања што ќе дојдат од кандидатот на ДУИ за градоначалник на Гостивар, г. Невзат Бејта и советниците кои овој пат се најдобри, ќе бидат поддржани 100% од целата Влада.
– Сите овие години во политиката, сретнав многу луѓе со различни верувања, но никаде не дојде некој да го сретнем за да го сака Гостивар повеќе од Невзат Бејта. Невзат живее и се жртвува за Гостивар. На 17 октомври кога ќе одите да гласате, не оставајте никого дома. Кога ќе го заокружите број 3, знајте дека тоа го правите за Али Ахмети, гласот во Гостивар е глас за Али Ахмети, рече Груби.
Кандидатот за градоначалник Невзат Бејта им порача на граѓаните дека се кандидира за сите граѓани, со искрени намери.
– Јас не се кандидирам за мојата кариера, јас се кандидирам за граѓаните, за сите граѓани, без разлика дали сте Албанци, Македонци, Турци или Роми. Верувам дека сите ние сме браќа и сестри овде во Гостивар и дека живееме во меѓусебна почит кон нашата историја, традиции и култура. Овие се локални избори, овие избори се за изградба на подобро место за живеење за сите нас. Заедно, а не разделени, нагласи Бејта.