Демократската унија за интеграција информира дека утре ќе организира директни партиски избори во 10 ограноци за претседатели, членови на претседателство на ограноци, претседатели на локалните совети и членови на локалните совети.
Ограноците на Брвеница, Боговиње, Чашка, Долнени, Гостивар, Студеничани, Теарце, Тетово, Врапчиште и Желино, утре на демократски и рамноправен начин, почитувајќи го принципот еден член еден глас, ќе избираат свое раководство за нов мандат.
Демократската унија за интеграција на овие непосредни партиски избори применува директна партиципативна демократија со вклучување на приближно 11.000 членови во 10 ограноци.
– Овој целосно демократски процес се одвива во сите организациски структури, со најмалку двајца кандидати за секој локален совет или огранок. Демократската унија за интеграција ги повикува сите да станат дел од модерната градба на нашата заедничка иднина на наредните 20 години, се вели во партиското соопштение.
По завршувањето на изборниот процес, утре, претседателот Али Ахмети во 18.30 часот во седиштето на ДУИ во Тетово ќе одржи прес-конференција на која ќе ги соопшти изборните резултати.