Published: Saturday, June 5, 2021 09:40
Наместо торта, лидерот на ДУИ, Али Ахмети ќе ги ,,почести“ граѓаните со најавеното изненадување за партискиот роденден денеска напладне во 12 часот. Ова Ахмети го најави пред три дена од Липково, при што само откри дека „изненадувањето“ ќе предизвика дебата во општеството, слична на дебатата по одлуката да кандидираат Албанец за премиер, на минатогодишните парламентарни избори кои партијата ги водеше под слоганот ,,Pse jo“, односно , Зошто не“.
Најавата за изненадувањето предизвика реакции, шпекулации и типувања што би можело да биде.
Премиерот Заев, деновиве двапати изјави дека го знае изненадувањето, но дека нормално тоа му го препушта да го претстави лидерот на ДУИ, Ахмети и само откри дека се однесува на модернизација на концептот на партиските политики кои партијата ќе ја отсликаат како партијата на 21-от век.
И дел од партиите на Албанците во земјата, се впуштија во погодување што би можело да е изненадувањето. Па така, од Беса само рекоа дека нема да коментираат, затоа што очекуваат изненадувањето да биде од типот „Премиер Албанец“ и дека, како што велат од партијата на Касами, се видело како завршила.
Од Алијанса на Албанците изјавуваат „Има многу поважни работи од акробациите на ДУИ и на СДСМ.
Им посакуваме среќа и успех во следниот филм“
Најголемата шпекулација што излезе деновиве а беше поттикната од опозициските кругови предводени од ВМРО ДПМНЕ, е дека СДСМ и ДУИ наводно договориле кандидат Албанец за трката за ,,градски татко“ на Скопје.
Премиерот Заев вчера демантираше дека разговарале со ДУИ за заеднички градоначалнички кандидат за Скопје.