Демократската унија за интеграција денеска во Бузалково во општина Велес ја продолжи презентацијата на изборната програма, a беше презентaнa и листата на кандидати за советници за општина Велес, предводена од Невзат Муареми.
Претседателот на Демократската Унија за Интеграција, Али Ахмети ја истакна големата поддршка за Албанците од Велес и
посветеноста да се продолжи патот на развојот на нивниот живот и нивната
факторизација преку имплементацијата на зелената агенда.
„Во овие дваесет години инвестиравме во кадри, инвестиравме за да не се
поделат Албанците, инвестиравме и едуциравме кадар за да се занимава со
работа, програми и проекти, со идеи и визии, а не со пцовки и навреди.
Срамно е за нас да навредуваме или да ги клеветиме другите, и ние
никогаш нема да го сториме тоа, и покрај тоа што ова го прават другите,
но ние се надминавме себеси затоа што ги ставивме интересите на нацијата
над се друго. Сега излеговме со зелената агенда затоа што сметаме дека нормативниот дел од Охридскиот Договор е завршен, останува да се материјализираат прашањата, како што е законот за албанскиот јазик кој е официјален јазик, но има простор за негово унапредување и за тоа веќе се воспоставени релевантни институции и тие мора да бидат одговорни за имплементацијата на јазикот, рече Ахмети.
Првиот вицепремиер, Артан Груби, рече:
„Кога ние сме носители на одлуки, одлучуваме добро не само за
Албанците, одлучуваме добро за сите. Кога станавме одлучувачи, ја
однесовме земјата во НАТО, кога станавме одлучувачи донесовме јазична
еднаквост, кога станавме одлучувачи, сите победија од фактот дека ДУИ
стана одлучувач кој ќе биде во централната власт, а кој во локалната
власт. Затоа, јас сум убеден дека сите вие заедно, со сите оние што не
се овде денес со нас, ќе гласате за Невзат и ќе испратите советник
Албанец до Советот на општина Велес, со цел да ги води процесите за ваше
добро. Ќе продолжиме многу повеќе да го факторизираме Албанецот во
Велес, да се врати во корените, да гласа за Демократската Унија за
Интеграција и да станеме покорисни за себе “, рече Груби.
Демократската Унија за Интеграција утре ќе ја продолжи кампањата во
Студеничани каде ќе го претстави кандидатот за градоначалник, Ејуп Абази
и листата на советници за оваа општина.