Двете лица кои работат во техничкиот дел во УБК во моментот не се во државата. Во УБК не известија дека тие се единствените двајца кои можат да влезат во системот за следење на телемокуникациите. Очекуваме, според она што не известија од УБК дека тие во текот на денот ќе се вратат во државата, по што се надеваме дека што ќе се пристапи кон извршување на наредбата, соопштија на прес конференција двете Специјални јавни обвинителки Ленче Ристовска и Фатиме Фетаи.

„Се уште не сме влезени во системот.  Од УБК сме известени дека тие две лица ќе се вратат во текот на денот и се надеваме дека тогаш ќе пристапиме кон наредбата. Чудно е што никој во државата нема пристап во овој систем освен овие лица. Податоците кои ги бараме во УБК  се од круцијално значење за да се утврди кои телефонски броеви биле следени. Специјалната јавна обвинителка со тим од  СЈО во моментот е таму и ќе останат се додека не добиеме пристап до системот“, рече обвинителката Ленче Рисовска.

Обвинителката нагласи дека ова е нов систем од март 2015 година, но дека мора да да се провери и делот во употребата на новиот систем, односно дали се настанати злуопотреби и на овој систем, откако стариот систем е уништен.

Ноќеска обвинители од СЈО дежураа на смени. Денеска на прес конференцијата најавија дека по одземање на книгите ќе се врши попис на одземени предмети, ќе следи и одземање на целокупната евиденција.

„Нас не не интересираат податоци за тековни мерки, ниту правиме упад во системот на  држава. Ние  бараме начин да видиме дали има злуопотреби и кои лица се одговорни, бидејќи најголем дел од луѓето кои што работат тука се професионалци.“, рече Ристовска.

Од СЈО нагласија дека во интерес на истрагата подетални податоци не можат да обезбедат, но инсистираат на доследно почитување на законот за класифицирани информации. Ристовка нагласи дека соработката и понатаму оди многу тешко.

„Се убедуваме дали треба да пристапиме кон извршување на наредбите. Загрижени сме каква порака се праќа на граѓаните, како е можно државна институција да не дозволи да биде спроведена судска наредба. Не знаеме ниту во кое својство се присутни таму Чавков и Андоновски. Ние треба да ја спроведеме судската наредба и поради тоа беше направен обид на мирен и културен начин да најдеме механизам на соработка. Ќе останеме и ноќеска и во наредните денови денови таму.“, рече обвинителката Ристовска.

На новинарско прашење дали може да дојде до уништување на системот и изнесување на податоците, обвинителката одговори дека не можат да ги контролираат влезовите на УБК, дека уништувањето на службените информации е кривично дело , но се надеваат дека до такво нешто нема да дојде.