Авионот што се урна пред самото слетување во Меделин, Колумбија, во кој, меѓу патниците беше и бразилскиот клуб Шапекоенсе, има најмалку шест преживеани. Еден од нив, според локални медиуми, е фудбалерот Алан Рушел. Фудбалерот со број 10 е примен во болница, јави „360 радио Колумбија“.
Екипата што оваа сезона се натпреварува во Серија А во Бразил утревечер требаше да игра против Атлетико Национал во финалето во Куп Судамерикана, натпреварување во Јужна Америка што е пандан на Лига Европа.
Како што наведува „Би-Би-Си“, авионот се урна во планинско подрачје во околината на Меделин околу 22 часот по локално време. Чартерот полета од Сао Паоло во Бразил околу 15 часот попладнето и по кратка пауза во Санта Круз де ла Сиера на истокот на Боливија, го продолжи летот кон Колумбија.