Љубе Рајевски долгогодишен директор во НЛБ Банка си поднесе оставка.
На седницата на Надзорниот одбор на Банката одржана на 27 октомври, Љубе Рајевски, поднел писмено барање за откажување на менаџерскиот договор исклучително од лични причини, со што останува на фукцијата се до крај на годината, стои во известувањето до Македонската берза од страна на НЛБ.
-На седницата на Надзорниот одбор на Банката одржана на 27.10.2017 година, нашиот долгогодишен член на Управниот одбор г-дин Љубе Рајевски, поднесе писмено барање за откажување на менаџерскиот договор исклучително од лични, а не професионални причини. Г-дин Рајевски со полн ангажман и посветеност останува на фукцијата се до 31.12.2017 година, стои во известувањето до Македонската берза од НЛБ.
Рајевски важеше за еден од најблиските соработници на поранешниот прв човек на банката Ѓорѓи Јанчевски, но по смената на Јанчевски и поставувањето на Антонио Аргир, тој остана како еден од врвните директори.
Раководството на НЛБ банка се најде под лупа на јавноста по милионскиот грабеж во депотоа на Банката во април годинава.
Мистериозен грабеж:Укради струја од ЕВН и лежи повеќе од грабеж на НЛБ
Првообвинетиот за грабежот во НЛБ банка, трезористот Бобан Смилевски, во завршните зборови минатата недела ја призна вината и рече дека парите ги украл оти бил во долгови и тој и семејството биле под закани. Им се извини на останатите инволвирани во грабежот и нивните казни ги побара за себе. Обвинителството бара највисока казна од 10 години затвор.