Маж на возраст од 63 години од струшко Лабуништа, неколку часа по приемот со тешка клиничка слика, починал на Клиниката за инфективни болести и фебрилни состојби во Скопје, информираат од Министерството за здравство (МЗ). Од Клиниката, додаваат од МЗ, денеска се испишуваат нови тројца пациента по два „врзани“ негативни тестови на коронавирус. Моментно на Инфективната клиника се хоспитализирани 74 пациенти од кои 15 со тешка клиничка слика, 11 на механичка вентилација, а другите пациенти се стабилни.
Министеството за здравство информира и за 72 нови регистрирани случаја на ковид-19 во земјата во последните 24 часа. Најголем број од нив се лица од Куманово (21), од Скопје (14) и од Тетово (12). Останатите позитивни се граѓани од Штип – 1, од Прилеп – 9, Струга – 1, Велес – 1, Битола – 2, Гостивар – 1, Радовиш – 1, Крушево 2, Кочани – 7.
Со ова, вкупната бројка на дијагностицирани пациенти со ковид-19 денеска изнесува 555 лица. Според местото на живеење, досега случаи на ковид-19 се регистрирани во:
Скопје – 235
Куманово – 114
Дебар – 49
Штип – 19
Прилеп -33
Тетово – 29
Струга – 24
Велес – 10
Битола – 6
Охрид – 3
Кавадарци – 2
Гостивар – 4
Гевглелија – 4
Струмица – 2
Крива Паланка – 2
Радовиш – 3
Крушево – 2
Кочани – 14
Во изминатото деноноќие се направени 371 тест од кои 285 преку ИЈЗ, седум преку Ветеринарниот факултет, 24 преку „Биотек“ и 55 преку „Фипил Втори“ (Жан Митрев). Досега во земјата се направени 5.291 тестирања на ковид-19.