Собранието нема да заседава една недела, за да се постигне договор околу законот за јазиците, кој е на дневен ред на Собранието во трето читање, но и покрај вчерашните обиди, оваа седница не започна.
Претседателот на Собранието Талат Џафери синоќа во емисијата „200“ на Алсат М рече дека немало доволно гласови за да продолжи постапката, бидејќи некои од пратениците на СДСМ се изјасниле дека нема да гласаат за законот.
Џафери уште рече дека е подготвен да закаже уште една седница на која директно ќе се гласа за донесување на Законот за употреба на јазиците без притоа да се прифати разгледување на 35-те илјади амандмани кои опозициската ВМРО-ДПМНЕ ги поднесе. Според Џафери, ВМРО-ДПМНЕ ќе има право на процедурална забелешка. Предупреди дека Собранието не смее да биде заложник за никого.
Претседателот на Собранието им дал една недела на политичките партии да најдат решение, затоа што можностите што тој ги имал како претседател се исцрпени.
И покрај несогласувањата во врска со решението за над 35.000 амандмани, според Џафери владејачката коалиција не е загрозена и ќе продолжат сите процеси кои парламентарното мнозинство ги има во Собранието, а од кои зависи и функционирањето и поддршката за самата Влада на премиерот Заев.
Од опозициската ВМРО-ДПМНЕ вчера посочија било побарано да ги повлечат амандмани што тие одбиле, дека проблемот за непочнување на седницата настанал помеѓу ДУИ и СДСМ.
Пратениците од СДСМ, пак, посочија дека сакаат да се отвори дебата за амандманите, а не онака како што предложиле од ДУИ.