Поранешниот министер за здравство Венко Филипче денеска поминал повеќе часа во операциона сала на Клиниката за неврохирургија каде работел со млади колеги, за што тој информираше на социјалната мрежа фејсбук.

Денеска со младите колеги, лекари, поминавме повеќе часови во операциона сала на Клиниката за неврохирургија. Пренесувањето на знаењето и вклучувањето на младите лекари во целокупниот процес на лекување на пациенти е клучно за нивната едукација. Откривањето на тајните на неврохирургијата е главен, мотивирачки фактор и го зголемува ентузијазмот за работа, напиша екс министерот во својата објава.