Серија експлозии рано изутрина се случија во фабриката „Слобода“ во Чачак. Според информациите работниците кои работеа во ноќна смена, како и граѓаните кои живеат во близина на фабриката, беа евакуирани и никој не е повреден.
Градоначалникот на Чачак, Милан Тодоровиќ изјави дека околу 60 работници работеле во третата смена и дека сите биле веднаш евакуирани.
„Првите детонации се слушнаа околу 1.30 часот, тие се случија во складиштето за муниција. Добро е што експлозијата и пожарот не се случија во производствените сали”, рече Тодоровиќ.
Магацинот се наоѓа на околу 800 метри од влезната порта. Граѓаните во близина на фабриката беа евакуирани, некои ја поминаа ноќта во подрумот.
Министерот за внатрешни работи на Србија, Александар Вулин, утринава во гостување во дневниот РТС рече дека бил во директен контакт со Вук Чаушиќ, раководителот на секторот за вонредни ситуации и директорот на полицијата, Владимир Ребиќ и дека за среќа експлозијата не се случила во Одделот за производство.
„Чаушиќ излезе на терен и собра 35 пожарникари плус 10 пожарникари од Чачак, кои беа на должност. Нашиот најголем страв беше некој да не биде евакуиран, за среќа сите работници беа евакуирани”, рече Вулин.
Според него, за среќа, експлозијата се случила во магацинот на готови производи, а не во самото производство.