Екстремната десница ги загуби претседателските избори во Австрија.
Првите резултати на австриската национална телевизија тврдат дека независниот кандидат, екологист и либерал, Александар Ван Белен води со доста голема предност пред кандидатот на екстремната десница Норберт Хофер од Партијата за слобода ФПО.
Ван Белен освоил досега 53,7 отсто гласови додека неговиот противник Хофер добрил 46,4 отсто.
Кандидатот на екстремната десница го призна поразот.
Проекциите на резултатот ги вклучуваат и гласовите испратени по пошта.
Претходното гласање во мај годинава за нов претседател на земјата беше поништено поради жалбата на ФПО во однос на гласовите испратени по пошта.
На изборите во мај двајцата кандидати имаа двајцата по 50 отсто од гласовите па нивното броење траеше подолго време. И тогаш Ван Белен освои повеќе гласови но стануваше збор за предност од неколку стотини гласови.