Турскиот претседател Реџеп Таип Ердоган синоќа на предизборен собир во босанскиот главен град Саарево, ги повика државјаните на Турција што живеат во странство на изборите на 24 јуни да го дадат гласот за негов резибор на претседателската функција.
– Како европски Турци вие секогаш сте ни давале голема поддршка. Сега нам одново ни е потребна (таа поддршка) на овеи избори, изјави Ердоган во обраќањето пред околу 15.000 лица во најголемата спортска сала во Сараево.
Тој при тоа ги повика Турците во Европа, активно да се вклучат во политиката во земјите во кои живеат, со цел „да влијаат за намалување на антитурското располжение“ во тие држави.
Ердоган го избра Сараево за место од кое ќе и се обрати на турската дијаспора, откако повеќе европски држави во кои живеат голем број Турци, како Германија, Австрија и Холандија, му забранија да одржува предизборни собири и да агитира на нивна територија.
Предвремените претседателски и парламентарни зибори на 24 јуни се особено важни, бидејќи по нив стапуваат во сила уставните измени усвоени на референдумот минатата година, со кои Турција од парламентарна се трансформира во претседателска република.
Претседателот на Република Српска Милорад Додик денеска изјави дека нема проблеми со посетата на турскиот претседател Реџеп Таип Ердоган на Сараево, но дека тој не треба да се меша во внатрешните работи на Босна и Херцеговина.
– Ердоган е голем државник на една голема земја, и сè е во ред до тој момент додека не почувствуваме дека претставниците на таа земја се обидуваат на некој начин да се вклучат во внатрешните односи на БиХ. Тоа е местото каде треба да се прекине и да се каже дека е неприфатливо, рече Додик.
Тој додаде дека допрва ќе се види какви последици ќе има посетата на турскиот претседател на БиХ.