По осум долги години, за првпат од април 2013 година, Марин Ле Пен во анкетите не е посочена дека ќе се најде во вториот круг од претседателските избори. Недостатокот на поддршка по неуспехот на нејзината партија да освои регион на последните регинални избори, во комбинација со блескавата динамика што ја носи есеистот и полемичар Ерик Земур, доведе до вкрстување на нивните криви во анкетата на Харис Интерактив за неделникот „Шаланж“, јави дописникот на МИА.
Зад шефот на француската држава, Емануел Макрон, секогаш удобно во водство во првиот круг (со 24 до 27 од гласовите), контраверзниот есеист, близок до крајната десница Ерик Земур, иако се уште не е официјално кандидиран, доаѓа на втората позиција во вториот круг со 17 до 18 отсто од гласачите.
Авторот на „Француското самоубиство“ (2014, Албин Мишел) сега свертува кон себе 30 отсто од гласачите на Марин Ле Пен во 2017 година и 31 отсто од оние на Франсоа Фијон (Републиканците). Со 15 до 16 отсто од гласовите, кандидатката на Националниот собир го продолжува својот пад. Според бројките од истиот институт во јуни, таа загуби 13 поени за четири месеци.
Во десницата, сите кандидати забележуваат пад: Ксавиер Бертран се уште е во водство со 13 отсто од гласовите наспроти 11 за Валери Пекрес и седум за Мишел Барние. Кај левицата, кандидатот на бунтовната Франција, Жан-Лук Меленшон, повторно ги загуби двата поени што ги имаше стекнато по дебатата против есеистот Ерик Земур, за да се врати на 11 отсто.
Кандидатката социјалистите, Ан Хидалго и екологот Јаник Жадот, се со шест до седум отсто од гласовите во истражувањето на Харис Интерактивно. Ниту една друга кандидатура не надминува два отсто.