Европската унија и Куба потпишаа договор за политички дијалог и соработка. Шефот на кубанската дипломатија, Бруно Родригес Падиља и Федерика Могерини, шефицата на ЕУ за надворешни работи и безбедност го потпишаа договорот во Брисел.
Се работи за формално придвижување на односите меѓу Куба и ЕУ, 10 дена по смртта на кубанскиот лидер Фидел Кастро, како и по нормализацијата на на односите Хавана-Вашингтон.
Овој договор сега треба да биде одобрен од страна на Европскиот парламент а потоа да биде афирмиран и од парламентите на државите-членки на ЕУ.
Во официјалното соопштение на Советот на Европа се вели дека со овој договор ќе се унапредат демократијата и човековите права во Куба, а ќе се зголеми и соработката на глобално ниво.
Куба досега беше единствената земја од Латинска Америка која немаше склучено договор со Европската унија за меѓународна соработка.